27 October 2015

Woh Lamhe (2006) සිංහල උපසිරැසි සමගින්



ඔන්න එහෙනම් තව ෆිල්ම් එකක් උස්සගෙන ආවා. මේක අපේ සූම් එකේ රසිකයන්ගේ ඉල්ලිමක් මතම දැමුනු උපසිරැසියක්. මේ චිත්‍ර‍පටිය අධ්‍යක්ෂණය කරන්නේ Zeher,Awarapan,Raaz ,Murder 2,Aashiqui 2,Ek Villain වැනි චිත්‍ර‍පටි ගෙන ආ මොහිත් සූරි විසින්. ඉතින් කතාව ගැන හිතාගන්න පුලුවන් නේ. කොහොමත් අවසානය ටිකක් දුකින් තමයි ඉවර වෙන්නේ. ඒක මොහිත් සූරි ගේ ෆිල්ම් වල අපිට දකින්න පුලුවන් දෙයක් නේ. මේ චිත්‍ර‍පටියේ ප්‍ර‍ධාන චරිත ලෙස Kangana Ranaut,Shiney Ahuja හා Shaad Randhawa රංඟනයෙන් දායක වෙනවා. මේ චිත්‍ර‍පටියට පාධක වෙලා තියෙන්නේ හින්දි සිනමාවේ සැබැ නිලියෙකුගේ කතාවක්. 1970 දශකයේ ජනප්‍රියතාවයේ හිනිපෙත්තටම නැගුනු Parveen Babi ගේ චරිතය ඇසුරින් තමයි මේ චිත්‍ර‍පටිය නිර්මාණය වෙන්නේ. ඒ වගේම අමුතුවෙන්ම චිත්‍ර‍පටියේ සිංදු ගැන කියන්න උවමනා නැහැනේ. Kya Mujhe Pyar Hai සිංදුව අහලා නැති කෙනෙක් නම් ඉන්න බැහැ. ඒ සිංදුව තියෙන්නෙත් මේ ෆිල්ම් එකේම තමයි.


චිත්‍ර‍පටියේ කතාව ගැන කියනවා නම් සනා අසීම් කියන්නේ ජනප්‍රිය චිත්‍ර‍පටි නිලියක්. ඇයට මේ තැනට එන්න උදව් කරන්නේ නිකිල්. ඔහු අැයට මේ උදව්ව කලත් ඇය හම්බකරන හැම සතයක්ම වගේ පාවිච්චියට ගන්නේ ඒ වගේම ඇයගෙන් අයුතු ප්‍රයෝජන ගන්නෙත් නිකිල්ම තමයි. සනා අසිම් කොච්චර ජනප්‍රිය කෙනෙක් උනත් ඇයට මේ දේවල් වලට එරේහිව යන්න නම් හයියක් නැහැ.ඇය කරන්නේ මේ වගේ දේවල් ඉවසගෙන ජිවත්වෙන එක. මේ කාලය අතරතුර තමයි නවක චිත්‍ර‍පටි අධ්‍යක්ෂකයෙක් වන අදිත්‍ය විසින් සනා අසිම්ට චෝදනාවක් කරලා පුවත් පතක සම්මුඛ සාකච්චාවක් දෙන්නේ.මේ සම්මුඛ සාකච්චාව දැකපු සනාට ගොඩක් කෙන්තියනවා. දිනක් පාටි එකකදි මේ දෙන්නා මුණට මුණ හම්බුනාම ලොකු ගැටුමකුත් යනවා. නමුත් පොඩි සිදුවිමක් නිසා නැවතත් සනා අසීම් යනවා මේ අධ්‍යක්ෂකයාව මුණ ගැහෙන්න. කතාව එතැනින් තමයි පටන්ගන්නේ. ආදර කතාවක් නිසා මං වැඩිය විස්තර කරන්න යන්නේ නෑ. මේක නිකම් ආශිකි 2 ෆිල්ම් එක කනපිට හරවලා හැදුවා වගේ තමයි. අරගෙන බලන්නකෝ. චිත්‍ර‍පටියේ සීඩ්ස් නම් පොඩ්ඩ්ක අඩුයි. කැමැති නම් ඩිරෙක්ට් ලින්ක් අරගන්න. නැත්නම් ටොරන්ට් එක දාන්න. කොහොමත් ටික වෙලාවක් යද්දි ඩවුන්ලොඩ් වේව. එහෙනම් තවත් චිත්‍ර‍පටියකින් හමුවෙමු.



*SRT ලෙසද උපසිරැසි නිකුත් කර ඇත.

සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ දර්ශන නිශාන්ත විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Hitman Agent 47 (2015) සිංහල උපසිරැසි සමගින්



හිට්මෑන් කිව්වම නොදන්න කෙනෙක් නෑනෙ. හිට්මෑන් ලෝකයට ආවෙ මුලින්ම පරිඝනක ක්‍රීඩාවකින්නේ. ලෝකෙ පුරාවටම විශාල ක්‍රීඩා ලෝලීන් පිරිසක් හිට්මෑන් එක්ක එකතුවුනා. කොච්චර මේ පරිඝනක ක්‍රීඩාව ජනප්‍රිය වුනාද කිව්වොත් 2007දි Hitman චිත්‍රපටියකුත් නිපදවෙනවා. Hitman: Agent 47 කියන්නෙත් හිට්මෑන් පරිඝනක ක්‍රීඩාව ආශ්‍රයෙන් නිපදවපු ජර්මන්-ඇමරිකානු ක්‍රියාදාම චිත්‍රපටියක්. මේ චිත්‍රපටයෙදිත් ප්‍රධාන චරිතය වන්නෙ නියෝජිත අංක 47. චිත්‍රපටිය අගෝස්තු 21 වැනිදා නිකුත්වුනේ.

දශකයකට කලින් මහාචාර්ය ලිට්වෙන්කෝ තමයි ක්ලෝන සොල්දාදුවන් නිපදවස වැඩසටහනේ ප්‍රධානියා. සුපිරි ශක්තියෙන්, වේගයෙන්, බුද්ධියකින් වගේම හැඟීම් පවා දැනෙන පරිදි මේ සොල්දාදුවන් නිපදෙව්වා. නමුත් යම්කිසි හේතුවකට ඔහු අතුරුදන් වෙනවා. ඔහුගේ දුව කාටියා තනිවම අතෑරලා දාලා.

නියෝජිත 47ත් මෙතනදි සම්බන්ධ වෙනවා. ඔහු සහ කාටියා එකතුවෙලා කාටියාගෙ තාත්තව හොයාගන්න ඕන. මොකද තවත් කෙනෙක් මෙහිදි ක්ලෝන සොල්දාදුවන් නිර්මාණයට සූදානම් වෙනවා. ක්‍රියාදාම චිත්‍රපටිවලට කැමති ඔයාලට වගේම හිට්මෑන් ක්‍රීඩාවට ආදරය කරන ඔයාලත් මේ චිත්‍රපටිය අනිවාර්යෙන්ම නරඹන්න ඕන. චිත්‍රපටය ඉවර වෙනකල්ම ඇක්ෂන් පිරිණු ලස්සනම ලස්සන කතාවකුත් ගලාගෙන යන සුපිරිම චිත්‍රපටයක් කියලා කියන්න පුලුවන්.

චිත්‍රපටියේ උපසිරැසියේ වැඩිම කොටස කලේ අපේ අවිඳු. එයාට වැඩිස ස්තුතිය හිමිවෙන්න ඕන. එහෙනම් බලලා අදහසකුත් කියලම යන්නකෝ. ඊළඟ චිත්‍රපටයෙනුත් ඉක්මනින්ම අපි හමුවෙනවා ඔයාලාව. එතකල් ජය!


*SRT ලෙසද උපසිරැසි නිකුත් කර ඇත.


සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ ප්‍රමෝද් ඉන්දුනිත් හා අවිදු හේෂාන් විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Baahubali Bluray Update (2015) සිංහල උපසිරැසි සමගින්



චිත්‍රපටය -Bahubali
අධ්‍යක්ශණය -SS Rajamouli (Eega. Maghadheera)
වර්ගීකරනය -ක්‍රියාදාම, ත්‍රාසජනක, යුද, වීරක්‍රම, ඉතිහාස කතා,
රංගන දායකත්වය -Prabhas (Rebel, Mirchi)
-Rana Daggubati (Baby)
-Anushka Shetty (Lingaa, Rudramdhevi)
-Tamanna Bhatia (Aagudu, Entertainment)
IMDB- 9.4/10


හොලිවුඩයට අභියෝග කරන්න පුලුවන් ඉන්දීය නිර්මාණ අතලොස්ස අතරට එක්වන නවතම චිත්‍රපටයත් අරගෙන තමයි අද මම ආවෙ, මේ දිනවල ලොව පුරා සිනමා රසිකයන්ගේ ඉතා විශාල අවධානයක් දිනාගන්න සමත් වුන නිර්මාණයක් තමයි මේ බහුබාලි එහෙමත් නැත්නම් ආරම්භය කියලා කියන්නේ, මේක ආරම්භක දිනයේම වාර්තා රැසකට සමත්කම් කියුවා, ඉන් සුවිශේෂම වාර්තාව තමයි ඉන්දියාවේ මෙතෙක් අඩුම කාලයකදී කෝටි 100ක් උපයාගත් චිත්‍රපටය බවට පත්වීම, පැය 35ක් ඇතුලත තමයි මේ කෝටි 100 උපයාගන්න සමත්වෙලා තියෙන්නේ, ඒවගේම ඉන්දියාව තුල පමණක් තිරගතවීම ආරම්භ කල දිනයේදි ඉන්දීය රුපියල් කෝටි 50ක මුදලක් උපයාගන්න සමත්වුනා, ඒ ශාරුක් ඛාන්ගේ Happy New Year චිත්‍රපටයේ කෝටි 45ක ආදායම් වාර්තාව අභිබවා යමින්, මේක ගොඩක් සුවිශේෂ චිත්‍රපටයක් නිසා මෙහි සදහන් ගොඩක් අය නොදන්න සුවිශේෂ කරුණු කීයපක් අරගෙන එන්න හිතුවා,


[*]මේ දිනවල අති සාර්ථකව තිරගතවන Jurassic World චිත්‍රපටයේ VFX නිර්මාණය කරපු කණ්ඩායමමයි මෙහි VFX සිදු කරලා තියෙන්නේ,
[*]මෙහි පසුතලය නිර්මාණය කරන්න දිනකට 1000 දෙනෙක් සේවයේ යොදවලා දවස් 200ක් ගතවෙලා තියෙනවා, ඒ හෙක්ටයාර 20ක වපසරියක,
[*]මෙහි තමයි ඉන්දීය චිත්‍රපටයක ප්‍රථම වතාවට AMD processors භාවිතයෙන් VFX සහ animation සිදු කරලා තියෙන්නේ
[*]කෝටි 100කට අදික බරපැනකින් නිර්මාණය වුන ප්‍රථම තෙලුඟු චිත්‍රපටය තමයි බහුබාලි කියන්නේ, මෙහි දෙවෙනි කොටස වෙනුවෙන් කෝටි 250ක ඇස්තමේන්තුවක් සිදු කර තිබෙනවා,
[*]හයිද්‍රාබාද් සිනමාශාලාවක මෙය තිරගතවෙන්න කලින් කෝටි 1.2ක් වටිනා ආසන වෙන්කිරීම් සිද්ද වෙලා තියෙනවා,
[*]*Rana Daggubati ඔහුගේ චරිතය වෙනුවෙන් 32kb බර වැඩිකරගෙන තියෙනවා,
[*]ලොව විශාලතම චිත්‍රපට පෝස්ටරයට හිමි වාර්ථාවට හිමිකම් කියන්නේත් මෙම චිත්‍රපටයයි,
[*]මෙය නිර්මාණය කිරීමට වසර තුනකට ආසන්න කාලයක් ගත වෙලා තියෙනවා
[*]මෙහි ප්‍රධාන චරිතය නිරූපනය කරන ප්‍රබාශ්ගේ ශරීරය නිර්මාණය කිරීම සදහා වැයවී ඇති මුදල කෝටි 1.5ක් ඒ සදහා ඔහු උපදෙස් ගෙන ඇත්තේ WWE මළ්ලවපොර ශූරයන්ගෙනි,
[*]මෙය සැබැවින්ම දමිළ සහ තෙලුඟු බාශා වලින් දෙවරක් රූපගතකිරීම් කර තිබෙනවා,
[*]වෙනත් භාශා වලින් ලොව පුරා තිර්ගතවන දැවැන්තම සිනමා නිර්මානය වන්නේත් මෙයයි,
[*]මෙහි ඇති දිය ඇල්ල athirampally ප්‍රදේශයේ ඇති දිය ඇල්ලක් වන අතර පසුව එයට VFX එක්කොට තිබෙනවා,
[*]මෙහි යුධ කොටස් රූගත කිරීමට හෙක්ටයාර 110ක් යොදාගෙන තිබෙනවා,
[*]මෙහි ප්‍රථම යුධ දර්ශනය වෙනුවෙන් 5000ක් දෙනා දින 200කට වැඩි කාලයක් යොදාගෙන නිර්මානය කර තිබෙනවා,
[*]මේ සදහා ආයුධ 20,000කට අධික ප්‍රමාණයක් නිර්මානය කර තිබෙනවා,
[*]මේ තමයි ඉන්දියාවෙ ප්‍රථම වතාවට ආගමික බැදීම් වලින් නිදහස්ව නිර්මාණය වුන සිනමා නිර්මාණය,
[*]අධ්‍යක්ශක රාජ්මවුලිගේ 10වැනි සිනමා නිර්මාණය වන්නේද මෙයයි,
[*]මෙහි දෘශ්‍ය ප්‍රයෝග වෙනුවෙන් තාක්ශණික ශිල්පීන් 800ක් දෙනා චිත්‍රාගාර 17ක සේවය කර තිබෙනවා,


මේ විස්තර දිහා බැලුවම චිත්‍රපටය ගැන අදහසක් ගන්න පුලුවන් වෙයි, මේකට තාම කිසිම භාශාවකින් උපසිරැසියක් අන්තර්ජාලයට නිකුත් වෙලා නැහැ, මේක මම අසා ලිවීමක් කලේ, රැදී සිටින්න zoom.lk එක්ක, ජයවේවා!



සිංහල උපසිරැසි මෙතැනින් ලබාගන්න



පරිවර්තනය හා උපසිරැසි ගැන්වුයේ මධුර අනුෂ්ක විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Bhaag Johnny (2015) සිංහල උපසිරැසි සමගින්



ඔන්න එහෙනම් 160 වන උපසිරැසි ගැන්වීමයි මගේ මේ විදියට අරන් එන්නේ. කාලේකින් බලන්න ලැබුන හොද වානිජ චිත්‍ර‍පටියක් කියලා කියන්න ඕන. ඇක්ෂන් එහෙමත් අඩු නැතුවම ෆිල්ම් එක පුරාවටම ගෙතිලා තියනවා. ඒ වගේම කතාවත් ටිකක් වෙනස් එකක්. ප්‍ර‍ධාන චරිතය කරන Kunal Khemu නම් ඔබට අලුත් මුහුණක් නෙමෙයි. ප්‍ර‍ධාන නිලියන් තිදෙනා නම් සිනමාවට අලුත්ම අය. චිත්‍ර‍පටියේ සිංදු ටිකත් ලස්සනටම තියෙනවා. එවාටත් උපසිරැසි ගන්වලා තියෙන්නේ. ඒ වගේම මේකේ බැනර් දැකලා එහෙම බය වෙන්න එපා. මේක පවුලේ සැමටම බලන්න පුලුවන් චිත්‍ර‍පටියක් බව මතක් කරන්නම ඕනි.

චිත්‍ර‍පටිය ගැන කියන්නම් කෝ ජොනි එහෙම නැත්නම් ජොනී අරෝරා කියන්නේ පෞද්ගලික ආයතනය වැඩ කරන කෙනෙක්. හැබැයි මොහු ඔෆිස් එකට වංචාවක් කරනවා. මේක ඔෆිස් එකේ බොස්ට අතටම අහුවෙනවා. ඔහු කරපු මේ වරද උසාවියේදි ඔප්පු උනොත් අනිවාර්යෙන්ම අවුරුදු දහයකටවත් හිරේ යන්න වෙනවා. මේ නිසාම ඔෆිස් එකේ බොස් මොහුට එක අවස්ථාවක් දෙනවා. ඇය කියන කාර්යක් කලොත් මේ සියළුම චෝදනා පොලිසියට නොකියන බවට පොරොන්දු වෙනවා. කොහොම හරි තමන්ගේ බොස් කියපු විදියට වැඩේ කරන්න ජොනී යනවා හෝටලයකට. මෙතැනදි කෙනෙක් ඔහුට උපදෙස් වගයක් දෙනවා කරන්න ඕන කාර්යය පිලිබදව. බලාගෙන යද්දි ඔහුට කරන්න වෙන්නේ හිනෙන් වත් නොහිතපු වැඩක්. මේ වෙලාවේ තමයි ඔහුගේ උදව්වට අරුම පුදුම කෙනෙක් එන්නේ. එතැනින් තමයි චිත්‍ර‍පටිය හරියටම පටන් ගන්නේ. කතාව කිව්වොත් රසවත් නැති වෙනවා. අරගෙනම බලන්නකෝ.


*SRT ලෙසද උපසිරැසි නිකුත් කර ඇත.

සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ දර්ශන නිශාන්ත විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Drishyam (2015) සිංහල උපසිරැසි සමගින්



පහුගිය දවස් කිහිපය පුරාවටම පැවති අයපත් කාලගුණ තත්ත්වය නිසා මේ චිත්‍රපටිය උපසිරැසි ගන්වලා අරගෙන එන්න ටිකක් ප්‍රමාද වුණා. අද මම අරගෙන ආවේ මම මෙතෙක් උපසිරැසි ගැන්වූ චිත්‍රපට අතරින් මා වඩාත් ආසාවෙන්ම උපසිරැසි ගැන්වූ තවත් එක් චිත්‍රපටයක්. මා මෙතෙක් උපසිරැසි ගැන්වූ සෑම චිත්‍රපටයක්ම හැමෝටම නරඹන්න කියලා නිර්දේශ කළේ නෑ. නමුත් කිසිම වර්ග කිරීමක් නැතුව බාල මහලු වැඩිහිටි සහ බොලිවුඩ් චිත්‍රපට වැඩිය නරඹන්නට රුචිකත්වයක් නොදක්වන අයට පවා අනිවාර්යෙන්ම නරඹන්න කියලා කිසිදු චකිතයකින් තොරවම නිර්දේශ කළ හැකි thriller චිත්‍රපටයකින් ලැබිය හැකි ඉහළම රසවින්දනය පිරි චිත්‍රපටයක් තමයි මේක. හරියටම කිවුවොත් Kahaani චිත්‍රපටිය වගේ.

මෙම චිත්‍රපටය දැනට ‍ඉන්දියාව තුළම පමණක් භාෂා 5කින් නිර්මාණය වෙලා තිබෙනවා. එකම රටක් තුළ පමණක් පස් වතාවක් නිර්මාණය වෙන්නට තරම් මෙහි තිබෙන විශේෂත්වය කුමක්ද කියා කෙනෙකුට සිතෙන්නට පුලුවන්. මෙම චිත්‍රපටය නැරඹුවහොත් ඔබට ඒ විශේෂත්වය අත්විඳින්නට හැකි වේවි. මෙම චිත්‍රපටයේ මුල් නිර්මාණය වෙන්නේ Drishyam(2013)කියන මලයාලම් චිත්‍රපටය. එදා මෙදා තුර වැඩිම ආදායමක් හිමිකරගත් මලයාලම් චිත්‍රපටය වුනේත් ඒ චිත්‍රපටයමයි. මම මුලින්ම නැරඹුවේත් මලයාලම් භාෂාවෙන් නිර්මාණය වෙච්ච Drishyam(2013) චිත්‍රපටය. එය තමයි මා මෙතෙක් නරඹා තිබෙන හොඳම මලයාලම් චිත්‍රපටය. Jeethu Joseph විසින්ම රචනා කරන ලද කතාවකට අනුව ඔහු විසින්ම අධ්‍යක්ෂණය කළ එම මලයාලම් චිත්‍රපටය Drishya (2014) ලෙසින් කන්නඩා භාෂාවෙන්, Drushyam (2014) ලෙසින් තෙලිඟු භාෂාවෙන්, Papanasam (2015) ලෙසින් දමිළ භාෂාවෙන් සහ drishyam (2015) ලෙසින් හින්දි භාෂාවෙන් නැවත නැවත ප්‍රතිනිර්මාණය වුනා. අද මම උපසිරැසි ගන්වලා අරගෙන ආවේ අවසන් වරට නිර්මාණය වූ ඒ drishyam හින්දි චිත්‍රපටය.

IMDB දර්ශක අගය 8.9/10ක් ලෙසින් සටහන් කරගන්නට තරම් මෙම චිත්‍රපටය සුවිශේෂී වුනා. Force (2011) චිත්‍රපටය සහ Lai Bhaari (2014) චිත්‍රපට අධ්‍යක්ෂණය කළ Nishikant Kamat තමයි මෙම චිත්‍රපටයේදී අධ්‍යක්ෂණ කාර්යට උර දුන්නේ. අජය දේවුගන්, ශ්‍රියා සරන්, තාබු, ඉෂිතා දත්තා, රජත් කපූර් සහ තවත් බොහෝ නළු නිළි පිරිසක් රංගනයෙන් දායක වූ මෙම චිත්‍රපටය තිරගත කිරීමෙන් ලබා ගත් ආදායම ඉන්දියානු රුපියල් කෝටි 76ක් පමණ වෙනවා. Drama, Mystery, Thriller ලෙසින් වර්ගීකරණය වී තිබෙන මෙම චිත්‍රපටය ආරම්භයේ පටන් අවසානය දක්වා කට ඇරගෙන බලන්න පුලුවන් තරම් අපූරු සිනමා නිර්මාණයක් කිවුවොත් වැරදි නැහැ.

කතාව ගැන නම් ලොකුවට විස්තර කරන්න යන්නේ නැහැ ඔබේ හිතේ තිබෙන කුතුහලය ඉතිරි කරන්නට අවශ්‍යය නිසා. විජය සල්ගාවොන්කර් කියන්නේ තමන්ගේ බිරිඳ සහ දියණියන් දෙදෙනා සමගින් බොහොම ආදරයෙන් ජීවත් වෙන මධ්‍යම පාන්තිකයෙක්. ඔහු බොහොම සාධාරණ සහ අල්පේච්ඡ මනුස්සයෙක්. පාසලේ 4වන ශ්‍රේණියට පමණක් උගත් අයෙක් වුනත් ඔහු බොහොම තියුණු බුද්ධියක් සහිත කෙනෙක්. ඔහු ගැන කියන්නට තිබෙන සුවිශේෂීම කරුණ තමයි ඔහු ඔබත් මමත් ව‍ගේම තදින් චිත්‍රපට නරඹන්නට හුරු වූ කෙනෙක්. හුරුවකට වඩා එය ඇබ්බැහියක් ලෙසින් සඳහන් කළොත් තමයි නිවැරදි. ඔහු එයට කොතරම් ඇබ්බැහි වෙලාද කියනවා නම් සමහර රාත්‍රීන්ට ඔහු නිවසට නොයා තමන්ගේ කාර්යාලයට වෙලා රැය පහන් වන තුරුම චිත්‍රපට නරඹනවා.

එවන් එක් රාත්‍රියක ඔහුගේ ආරක්ෂාව නොමැති වූ ඔහුගේ නිවසට අනවසරයෙන් පැමිණෙන එක් අමුත්තෙක් නිසා විජය සහ ඔහුගේ පවුලේ සාමාජිකයන්ගේ ජීවිත සහමුලින්ම කණපිට හැරෙනවා. ඒ අමුත්තා කවුද? ඇයි ඔහු විජයගේ නිවසට පැමිණියේ? ඔහුගෙන් විජයගේ පවුලට එල්ල වන තර්ජනය මොකක්ද? එම අමුත්තාට විජයගේ නිවසේදී අත්වන ඉරණම කුමක්ද? කියන වග චිත්‍රපටය නරඹද්දි ඔබට දැන ගන්නට පුලුවන් වේවි. මේ සිද්දියෙන් පසුව විජයගේ පවුලේ තිබූ සතුට සහ සැනසිල්ල සහමුලින්ම දියවෙලා යනවා. ඒ වගේම ඔහුගේ පවුල ලොකු මර උගුලක පැටලෙනවා. පොලීසිය විජය සහ ඔහුගේ පවුල පසුපස ලුහුබඳින්න ගන්නවා. තමන්ගේ පවුල සුරක්ෂිත කරගන්නට මේ 4 ශ්‍රේණිය පවා අසමත් වූ මනුස්සයා කෙතරම් විශිෂ්ඨ ලෙස කෙතරම් අපූර්ව ලෙස උපායශීලීව ක්‍රියා කරනවාද යන වගත් චිත්‍රපට නැරඹීමෙන් ඔහු ලද පන්නරය සහ දැනුම එම උපායන් වලදී කෙරම් අපූරුවට භාවිතා කරනවාද කියන වගත් නිසැකයෙන්ම ඔබව පුදුමයට පත් කරාවි. එම උපායන් හරහා කෙතරම් දුරට පොලිස් නිලධාරීන්ව නොමග යවන්නට ඔහුට හැකි වේවිද, එහිදී ඔහු සහ ඔහුගේ පවුලේ සාමාජිකයන් මුහුණ දෙන බාදක ජය ගන්න‍ට පුලුවන්කම ලැබේවිද? තිරයෙන් ඇසිල්ලකට හෝ ඇස ඉවතට ගන්නට සිත් නොදෙන අවසානයක් වෙත ඔබ ගෙන යන සිනමා අත්දැකීමක් බවට නම් නිසැකවම මෙම සිනමා නිර්මාණය පත් වේවි. ඒ වගේම දෙමවුපියන් විදියට තමන්ගේ දරුවන් වෙත දක්වන ආදරය සෙනෙහස සහ රැකවරණය කෙරෙහි ප්‍රභලව බලපාන සාදකය වන්නේ පොතෙන් ලද දැනුම නොවන බවත් සමාජීය අත්දැකීම් සහ වටපිටාවෙන් ලද ප්‍රායෝගික දැනුම බවත් ඔබට පසක් කර දෙන්නටත් මේ සිනමා නිර්මාණය සමත් වේවි. එසේනම් මෙම අපුරු සිනමා නිර්මාණය රසවිඳින ලෙස සියලු සිනමා රසිකයන් වෙත විවෘත ආරාධනයක් කරමින් මම සමුගන්නවා. ඔබට සුභ දවසක්... සතුටින් ඉන්න!
Visuals Can Be Deceptive!


*SRT ලෙසද උපසිරැසි නිකුත් කර ඇත.

සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ ගයාන් බුද්ධික ගමගේ විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Trisha Illana Nayanthara (2015) සිංහල උපසිරැසි සමගින්



ඔන්න එහෙනම් තවත් පට්ටම ෆිල්ම් එකකට සබ් එකක් තමයි අරගෙන ආවේ. ඔයාලා බලලා ඇති නේ Kappal (2014) චිත්‍ර‍පටිය. ඒ වගේම විනෝදයෙන් බලන් පුලුවන් ෆිල්ම් එකක් තමයි මේකත්.මම මේ චිත්‍ර‍පටිය තොරගන්න උන හේතුව ඉතින් අමුතුවෙන් කියන්න උවමනා නැහැ නේ. Poriyaalan,Kayal (2014),Chandi Veeran (2015) මේ චිත්‍ර‍පටි වල රඟපාපු Anandhiතමයි මෙහි එක් ප්‍ර‍ධාන චරිතයක් නිරුපණය කරන්නේ. සෙසු චරිත ලෙස G.V. Prakash Kumar හා Manisha Yadav රංඟනයෙන් දායක වෙනවා.

අපි චිත්‍ර‍පටිවල දැකලා තියනවා නේ කොල්ලා කෙල්ල හම්බවෙනවා තරහා වෙනවා යාළුවෙනවා මොනා නැතත් අන්තිමට එකතු වෙනවා වගේ කතන්දර මේක නම් එහෙම එකක් නෙමෙයි කියලා බය නැතුව කියන්න පුලුවන්. දන්නවා නේ ගැණු ළමයෙක් එක්ක යාළු උනාම විදින්න වෙන කරදර. කියන්නේ එකක් කරන්නේ එකක්. යනවා කිව්වොත් එනවා..එනවා කිව්වොත් යනවා..හම්බවෙන්න ආවත් වැරැදියි..හම්බවෙන් න නාවත් වැරැදියි...කිස් එකක් දුන්නාත් වැරැදියි...කිස් එකක් නොදුන්නාත් වැරැදියි. මොනා හරි කලොත් අපෝ මේක විතරයි නේද ඕන අහනවා...එහෙම මුකුත් නොකර හිටියොත් දැන් මාව එපා වෙලා නේද මුකුත්ම කරන්නේ නැත්ද අහනවා. ඔය වගේ එවා ඉතින් ගැණු ළමයෙක් අවුරුදු කිහිපයක් ආශ්‍ර‍ය කරපු අයට අමුතු දේවල් නෙමෙයි. මේ දේවල් අවසානයේ අන්තිමට එයාලාම හේතුවක් හදාගෙන කොල්ලාව දාලාත් යනවා. ඔය වගේ කතාවක් තමයි මේක ඒක නිසා අනිවා අරන් බලන්න. හරිම විනෝදයෙන් තමයි මම මේකේ සබ් එකත් දැම්මේ...

කතාව ගැනත් පොඩ්ඩක් කියන්නම් කෝ ජිවා රම්‍යා හා අදිති මේ තුන්දෙනාම පොඩි කාලේ ඉදන්ම එකටමයි හැදෙන්නේ. තුන්දෙනාගේම ගෙවල් එක ලඟ තියෙන්නේ. තුන්දෙනාම එකම වයසේ. ජිවාට රම්‍යාත් කැමැතියි අදිතිත් කැමැතියි. හැබැයි ජිවා වැඩියෙන්ම කැමැති රම්‍යාට. කොහොම හරි මේ අය තරුණ වියට ආවම අදිතිට මාස කිහිපයකට බැංග්ලොර් යන්න වෙනවා. දැන් ඉන්නේ ජිවායි රම්‍යායි විතරයි. මේ දෙන්නා ගේ පොඩි කාලේ ඉදන් තිබ්බ යාළුකම ආදරයකට පෙරලෙනවා. කොච්චර ලව් එකක් තියනවාද කියන්නේ දෙන්නාට දෙන්නා ඉවසගන්න බැරුව මුලික අදියර පාස් කරනවා (මුලික අදියර මොකක්ද කියලා විස්තර කරන්න බෑ ඔිං.) ඉතින් ඔය මුලික අදියර නිසා ජිවාගේ බෙල්ලේ අතේ එහෙම දත් පාරවල් නියපොතු පාරවල් එහෙම හිටිනවා.ජිවාට ඉස්කොලේ ඉන්නවා අතිජාත මිත්‍රයෙක්. ඔහු දකිනවා බෙල්ල හුරලා තියනවා. ජිවාගේ ඇහුවාම පුසෙක් හිරුවා කිව්වාට යාළුවාගේ කරදරේ නිසාම ජිවා කියලා දානවා රම්‍යායි එයයි අතර පොඩ් මෙව්වා එකක් උනා කියලා. යාළුවා කොච්චර හොදද කියන්නේ මේක පත්තරේ දැම්මා වගේ ඉස්කොලේ තැනින් තැන කියව කියව යනවා වගේම ටොයිලට් එකේ පවා එක එක එවා ලියනවා. මේ නිසාම රම්‍යාගෙයි ජිවාගේ ලව් එක කැඩිලා යනවා. රම්‍යා එක්ක තරහා වෙන දවසේම අදිති ආපහු චෙන්නායි වලට එනවා. එක්කෙනෙක් නැත්නම් අනික් කෙනා කියලා ජිවා අදිතිට ලව් කරන්න ගන්නවා...ඔතනින් පස්සේ තමයි ෆිල්ම් එක හරියටම පටන් ගන්නේ... ෆිල්ම් එකේ අන්තිමට දෙමළ ෆිල්ම් වල ඉන්න සුපිරි නළුවෙක් ඇවිල්ලා කතාවම කනපිට ගහලා යනවා. එහෙම කරපු නිසා ඒ කනපිට ගහපු එක හරිගස්සන්න කෙනෙක් එනවා. ඒකට රඟපාන්තේ දැනට දමිළ සිනමාවේ ජනප්‍රියතම නවක නිලියක්. ඉතින් එතකොට අන්තිමත් කොහොමද කියලා හිතාගන්න පුලුවන් නේ. කලින් කිව්වා වගේම ෆිල්ම් එක නම් අනිවාර්යෙන් බලන ගොන්නට දාගන්න.


*SRT ලෙසද උපසිරැසි නිකුත් කර ඇත.



සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ දර්ශන නිශාන්ත විසිනි

විශේෂ නිවේදනයයි..
අප ලබා දි ඇති ටොරන්ට් පට ක්‍රියාත්මක නොවේනම් හෝ ඩවුන්ලොඩ් නොවේ නම් ඉහත ඇති චිත්‍රපටියේ නමින් ඕනම ටොරන්ට් අඩවියක සොයා බලා ලැබෙන HDRIP ටොරන්ට් එක පමණක් ඩවුන්ලොඩ් කරගන්න.


සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Kirumi (2015) සිංහල උපසිරැසි සමගින්



“........ඔයාගේ වැඩක් කරගන්න........එතකොට ලෝකයා ඔයාට ඒ විදිහට ඉන්න දෙයි........ ඔයා ඕනාවට වැඩිය දගලන්න ගියොත්.......... ඔයාට ජීවිතයයි අතපයයි දෙකම නැතිවෙයි........“

ඔන්න එහෙනම් තවත් දෙමළ චිත්‍රපටියකින් ඔයාලව හම්බෙන්න ආවා.මේකෙ ඉන්න නළු නිළියො නම් එච්චර දැකලා පුරුදු අය නෙමේ.ඒත් කථාව නම් ගොඩක් ආදර්ශවත් කථාවක්.මේකෙන් කියවෙන්නේ අනුන්ගේ වැඩ වලට අත නොදා ඉන්න එක ගැන.මමත් මෙලෝ රහක් නෑ කියලා හිතුවට කථාව නම් පට්ට.ගහ ගැනිලි එහෙම වැඩිය නෑ.සාමාන්‍ය ජීවිතේ වුන කථාවක් වගේ තියනවා.බොරු ඇක්ෂන් එහෙම නෑ.


කථාව ගැන කියනවා නම් කදිර් කියන්නේ කිසිම රස්සාවක් නැතිව ඔහේ ඉන්න එකෙක්.හැබැයි මූ කසාද බැදලා ළමයෙකුත් ඉන්නවා.පවුලේ බර සේරම කරගහන්නේ අනිතා එහෙම නැත්නම් කදිර්ගේ බිරිද.කදිර්ගේ අයියා (ප්‍රබාකර්) පොලීසියට එක එක හොරු ගැන ඔත්තු දෙන පොරක්. ඒ හින්දා ප්‍රබාකර් පොලීසියේ ලොක්කන්ව හොදට අදුරනවා.ලොක්කො කිව්වට උන් පගා මරුවො.කදිර්ට රස්සාවක් නැති හින්දා ප්‍රබාකර් කදිර්ව පොලීසියේ ලොක්කට කියලා පොලීසියේ රාජකාරි වලට කොහොම හරි සම්බන්ධ කරවනවා.නිළ නොවන විදිහට ඈ.කදිර් කරන්නෙත් එක එක දේවල් ගැන ඔත්තු දෙන එකයි පොලීසියේ වැඩ වලට උදව් දෙන එකයි.දවසක් කදිර් ලොකු සූදු පොලක් ගැන පොලීසිය ඔත්තු දෙනවා.මේ සූදු පොලේ අයිතිකාරයාගේ මල්ලි ලොකු මැරයෙක්.කොහොම හරි මේ සූදු පොල පොලීසියෙන් වටලලා ඒකේ තිබ්බ ලක්ෂ දෙක හමාරක් පොලිස් ලොක්කා මිසින් කරනවා.මේ හින්දා ශන්කර්ගේ කට්ටිය ප්‍රබාකර්වත් මරණවා.ඒ වගේම කදිර්ව මරන්නත් එනවා.මේකට කදිර් වැඩ කරන පොලිසියේ ලොක්කා මොනවා කරයිද? කදිර්ට මොනවා වෙයිද කියලා ඔයාලම බලන්න.හොද පොලිස් නිළධාරීන් වගේම සක්කිලි පොලිස්කාරයොත් සමාජයේ ගොඩක් ඉන්නවා. එහෙනම් තවත් උපසිරැසියකින් හමුවෙමු. ඔබට ජය...! “ඔයා ජීවිතේ මුහුණ දෙන හැම ප්‍රශ්ණයකටම අත දාන්න යන්න ඕන නෑ..... සමහර වෙලාවල් වලට..... ප්‍රශ්ණ වලින් ඈත්වෙලා යන එකට තමයි “දිනුම“ කියලා කියන්නේ......“



සිංහල උපසිරැසි මෙතැනින් ලබාගන්න



පරිවර්තනය හා උපසිරැසි ගැන්වුයේ සූලාන් සම්පත් විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Minions (2015) සිංහල උපසිරැසි සමගින්



සමාවෙන්න ඕන පරක්කු වුනාට. කොහොමහරි ඔයාලට මිනියන් චිත්‍රපටයත් අරගෙන ආවා මම. මමත් කැමතිම කාටුන් එකක් තමයි මේ.

කතාව කෙටියෙන්ම කියන්නම්. අපි මිනියන්ලා ගැන දැනගෙන හිටියෙ ඉතාම පොඩ්ඩක්නේ. එයාලගෙ අතීත කතා, කොහොමද එයාලා මෙහෙම හැදුනෙ වගේ දේවල් කවුරුවත් දැනගෙන හිටියෙ නෑ. ඉතින් ගෘ හමුවෙන්නෙ කලින්, ඒ කියන්නෙ Despicable Me සහ Despicable Me 2 චිත්‍රපටිවල සිදුවීම් වෙන්න කලින් අතීතයේ සිදුවුන දේවල් තමයි Minion චිත්‍රපටියෙන් තියෙන්නෙ. ඇත්තටම මුල් චිත්‍රපටි දෙකට වඩා හොඳයි මේක.

මිනියන්ලා ඉපදෙන්නේ මිනිස් වර්ගයා හැදෙන්න වසර දහස් ගණනකට ඉහතදී. ඒ දවසෙ ඉඳලම එයාලා කරන්නෙ හමුවෙන දුෂ්ඨම නපුරුම කෙනා යටතේ සේවය කරනවා එයාට. හැබැයි කවදාවත් වැඩි කාලයක් එකම කෙනෙක් යටතේ ඉන්නෙ නෑ. මොකද හැම කෙනාටම මිනියන්ලා නිසා එක එක අකරතැබ්බ වලට මුහුන දෙන්න වෙන නිසා. ඉතින් කාලෙන් කාලෙන මෙයාලට අලුත් බොස් කෙනෙක් ලැබෙනවා. එයාලා එක කාලෙකදි තමන්ගෙම වාසස්ථානයක් හදාගෙන ඉන්න බලනවා. නමුත් තමන්ට සේවය කරන්න කෙනෙක් නැති නිසා එයාලා දුකින් ඉන්නෙ. කෙවින්, බොබ් සහ ස්ටුවර්ට් කියන තුන් දෙනා ඒ නිසා යනවා නිව් යෝක් වලට. හොඳම දුෂ්ඨයෙක්ව හොයාගෙන එන්න. එහෙදි තමයි එයාලට ස්කාලට් ඕවකිල් කියන නපුරුම නපුරු ගැහැනිය හමුවෙන්නෙ...

කතාවෙ ඔය ටික කිව්වාම ඇති හොඳටම. ඔයාලම බලලා ඉන්නකෝ එහෙනම් කතාව කොහොමද කියලා. ඊළඟ චිත්‍රපටියෙන් ඉක්මනින්ම හමුවෙන්න බලාපොරොත්තු වෙනවා. එතකල් හැමෝටම ජය!


සිංහල උපසිරැසි මෙතැනින් ලබාගන්න



පරිවර්තනය හා උපසිරැසි ගැන්වුයේ ප්‍රමෝද් ඉන්දුනිත් විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Max (2015) සිංහල උපසිරැසි සමගින්



කොහොමද යාලුවනේ මාස එකහාමාරකට විතර පස්සේ තමයි චිත්‍රපටයක් උපසිරැසි ගැන්වුයේ ඒකත් ඇත්තටම ප්‍රමාද උනා මොකද මේ චිත්‍රපටයේ හොඳ පිටපතක් නිකුත් වෙලා දැන් සතියක් විතර වෙනවා ඉතින් ඒ ගැන සමාවෙන්න ඕන.කාලෙකින් නැරඹුව හොඳ රසවින්දනාත්මක චිත්‍රපටයක් තමයි මේක එහෙමනම් චිත්‍රපටය ගැන පොඩි හැදින්වීමක් කරන්නම්.

මිනිසාගේ සමීපතම මිතුරා වන බල්ලෙක් වටා ගොඩනැගුනු කතාවක් තමයි මේ චිත්‍රපටයට පාදක වෙලා තියෙන්නේ ලබාගෙන තිබෙන IMDB අගය 6.9 ක් චිත්‍රපටය අයත් වෙන්නේ Adventure,Family ඝනයට ප්‍රධාන චරිත සඳහා රංගනයෙන් දායක වෙලා තියෙන්නේ Robbie Amell,Josh Wiggins,Laurel Graham,Thomas Haden Church, යන අය Robbie Amell ව නම් කට්ටියට මතකත් ඇති The Flash,Tomorrow People වගේ කතා මලා වලට රංගනයෙන් දායක උනානේ.ඉතින් ඔය වගේ පොඩි විස්තරයක් තමයි ඔයාලට කියන්න තියෙන්නේ එහෙමනම් මේ ලස්සන චිත්‍රපටය නරඹන්න කියලා හැමෝටම ආරාධනා කරන ගමන් අපි කැපෙනවා තවත් උපසිරසියකින් හමුවෙමු.


සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ විනොද් උක්ෂාන් විසිනි


විශේෂ නිවේදනයයි..
අප ලබා දි ඇති ටොරන්ට් පට ක්‍රියාත්මක නොවේනම් හෝ ඩවුන්ලොඩ් නොවේ නම් ඉහත ඇති චිත්‍රපටියේ නමින් ඕනම ටොරන්ට් අඩවියක සොයා බලා ලැබෙන BRRIP ටොරන්ට් එක පමණක් ඩවුන්ලොඩ් කරගන්න.



සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

Brothers (2015) සිංහල උපසිරැසි සමග



ඕං ඔහෙනම් ඔයාලා මඟ බලාගෙන හිටපු තවත් සුපිරි ෆිලුමක් තමයි දෙන්න යන්නේ.. මේකෙ නලුවා දැක්කාම ඉතින් කස්ටිය දන්නවා ඇතිනේ මොන වගේ ෆිලුමක්ද දෙන්න යන්නෙ කියලා.. මේ චිත්‍රපටය නිර්මාණය කරලා තියෙන්නේ හොලිවුඩ් වල 2011 වර්ෂයේ නිපද වූ Warrior චිත්‍රපටයේ නිල හින්දි චිත්‍රපටය වශයෙනුයි. ඒ වගේම මේ චිත්‍රපටය නිෂ්පාදනය කරන්නෙ බාහුබාලි වගේ සුපිරි ඉන්දීය චිත්‍රපට නිෂ්පාදනය කරපු ධර්ම ප්‍රොඩක්ෂන් ආයතන හා හොලිවුඩ් වල සුපිරි චිත්‍රපට ආයතනයක් වන Lionsgate Films ආයතන යනාදියයි. ඒ වගේම චිත්‍රපටයේ නිෂ්පාදක වන්නේ සුපුරුදු පරිදි කරන් ජොහාර් තමයි. මේ කතාවෙ සමහර තැන් සංවේදීයි.. සමහර තැන් හරිම ජව සම්පන්නනයි... බොක්සින් තරඟ වලට ආස අය ඉන්නවා නම් මේ කතාවට එයාලා ආස කරාවි. මොකද මේක ඒ අයට විශේෂ චිත්‍රපටයක් නිසා. එහෙනම් වැඩිය කතාකරන්නෙ නැතුව අපි චිත්‍රපටය බලමු. මේක අනිවාරයෙන් හොඳ ඇක්ෂන් චිත්‍රපටයක් වෙනවා නොඅනුමානයි


සිංහල උපසිරැසි මෙතැනින් ලබාගන්න


පරිවර්තනය හා උපසිරැසි ගැන්වුයේ මධුර අනුෂ්ක විසිනි

සැ.යු:මෙහි සම්පූර්ණ අයිතිය Zoom.lk සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න

ජනප්‍රිය ලිපි

ලිපි ලැයිස්තුව

ආපු කට්ටිය